Mogadishu 28, Oct. 07 (Garowe)- Dibadbaxyo rabshado wehliya ayaa aroornimadii saakay ka dhacay qeybo ka tirsan goobihii shalay ay ka dhaceen dagaalada u dhaxeeyay ciidamada dowladda oo garab ka helaya Itoobiya iyo kooxaha ka horjeeda.

Dibadbaxayasha oo u badnaa hawen iyo caruur ka careysan falalkii shalay loo geystay dad rayid ah oo aan waxba galabsan kuwaasi oo rasastii la isweydarsanayey haleshay, waxayna ku qeylinayeen dooni meyno dagaal, dooni meyno Doolar qaate iyo erayo ka dhan ciidamada dalka Itoobiya.

Shaagag iyo waxyaabo kale ayey bannaanbaxayaasha gubayeen iyagoo isku fidiyey wadada dheer ee Warshadaha oo socod ay ku marayeen.

Sidoo kale Bannaabax midkan la mid ah oo lagu gubayey Taayiro ayaa isna ka dhacay wadada Xamar Jadiid kaasoo ay haween iyo caruur fara badan ay ku muujinayeen sida ay ugu xun yihiin wax ay ku sheegeen gumaad ay geysteen ciidamada dalka Itoobiya.

Dhinaca kale dagaal ayaa saakey ka socda qaybo ka tirsan suuqa Bakaraha iyo xaafada Hodan halkaas oo la filayo in ay ku herdamyaan ciidamada dowlada oo tageero ka helaya kuw Ethiopia iyo kooxaha ka so horjeeda joogitaankooda.

Dagaalada muqdisho ka socda ayaa u muuqda kuwa sii xoogeystay iyada oo khilaafki u dhexeeyay dowlada oo si kordhayo.

Garowe Online, Muqdisho

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment